Ads 468x60px

7/02/2011

ஆட்சியைத் தக்க வைத்துக் கொள்ள துடிக்கும் காங்கிரஸ் தேச நலனுக்காக இதையாவது செய்யுமா?


பிரம்மபுத்திரா நதியின் இடையே அணை கட்ட திட்டமிட்டு, வேலைகளை ஆரம்பித்திருக்கிறது சீனா. அங்கு அணை கட்டினால், நம் நாட்டிற்கு கிடைத்துக் கொண்டிருக்கும் நீர்வரத்து நிச்சயம் குறையும். 

இரண்டு நாடுகளுக்கு இடையிலோ அல்லது அதன் வழியிலோ ஒரு நதி பாய்ந்தால், இரு நாடுகளின் ஒப்புதலுடன் தான் திட்டங்கள் மேற்கொள்ள வேண்டும். இடத்தை கொடுத்தால், மடத்தைப் பிடுங்கக்கூடிய கதை தான் சீனாவின் நிலைப்பாடாக உள்ளது.


மத்திய அரசு, இதன் விளைவுகளைப் பற்றி கவலைப்படாமல், சீனா மீது அபரிமிதமான நம்பிக்கை வைத்துள்ளது. வெளியுறவுத்துறை அமைச்சர் கிருஷ்ணா, இது விஷயமாக, சீனாவுடன் பேச்சு நடத்துவோம் என்கிறார். 

அடுத்த நாளே, "சீனா அணை கட்டுவதால், நம் நாட்டிற்கு ஆபத்து எதுவும் இல்லை' என, சில காங்கிரஸ் தலைவர்கள் அறிக்கை விட்டனர்.இப்படி அறிக்கைகள் விட்டே, அருணாச்சல பிரதேசத்தில், பல ஆயிரம் அடி நிலத்தை, முன்பு காங்கிரஸ் அரசு கோட்டைவிட்டு, அது தற்சமயம் சீனாவின் வசம் உள்ளது.

இதனால், அருணாச்சல பிரதேசத்தின் பாதுகாப்பு கேள்விக்குறியாகி இருக்கிறது.பிரம்மபுத்திரா நதியின் மூலம் பலன் பெரும் மாநிலங்கள், சீனாவின் இத்தகைய நடவடிக்கையால் நிச்சயம் பாதிப்புக்கு உள்ளாகும்.மத்தியில் தங்களது ஆட்சியைத் தக்க வைத்துக் கொள்ள, காங்கிரஸ் எதை வேண்டுமானாலும் விட்டுக் கொடுக்கும். ஆனால், தேச நலனுக்காக எதையும் செய்ய முன்வர மாட்டார்கள்.

17 comments:

Post a Comment

அலோ..ஒரு நிமிடம் ..உங்க "கருத்தை சொல்லிட்டு போங்க"