Ads 468x60px

11/03/2011

கனிமொழி ஜாமீன் மறுப்பு - நடந்தது என்ன?- விரிவான அலசல். 2G case Bail pleas of Kanimozhi dismissed


2 ஜி ஸ்பெக்ட்ரம் வழக்கில் சிக்கி கடந்த 5மாத காலமாக சிறையில் இருக்கிறார் கனிமொழி.

மேலும் இந்த 2 ஜி ஸ்பெக்ட்ரம் வழக்கில் முன்னாள் மத்திய மந்திரி ஆர். ராசா உள்பட 17 பேர் மீது குற்றச்சாட்டு பதிவு செய்யப்பட்டுள்ளது. அவர்களில் கனிமொழி உள்பட 7 பேர் ஜாமீன் மனுக்கள் மீதான விசாரணை டெல்லியில் தனிக்கோர்ட்டில் நடந்து வருகிறது.

இந்த ஜாமீன் மனு கடைசியாக கடந்த மாதம் 24ம் தேதி டெல்லி பாட்டியாலா சிறப்பு நீதிமன்றத்தில் விசாரணைக்கு வந்தபோது கனிமொழி, கலைஞர் டி.வி. நிர்வாக இயக்குனர் சரத்குமார், குசேகான் புரூட்ஸ் அண்டு வெஜிடபிள்ஸ் நிறுவன நிர்வாக இயக்குனர்கள் ஆசிப் பல்வா, ராஜீவ் அகர்வால் மற்றும் சினியுக் பிலிம்ஸ் அதிபர் கரீம் மொரானி ஆகிய 5 பேரின் ஜாமீன் மனுக்களை சிபிஐ எதிர்க்கவில்லை.


இதையடுத்து இவர்களுக்கு ஜாமீன் கிடைக்கும் என்றே அனைவரும் எதிர்ப்பார்த்தனர். ஆனாலும் இந்த வழக்கில் தீர்ப்பை நவம்பர் 3ம் தேதிக்கு (இன்று) நீதிபதி ஒத்தி வைத்துவிட்டார்.

இந் நிலையில் இன்று நடந்த விசாரணையில் கனிமொழி உள்பட 5 பேர் மனுக்களை எதிர்ப்பது இல்லை என்று எந்த அடிப்படையில் முடிவு செய்யப்பட்டது என்று சிபிஐயிடம் உச்ச நீதிமன்றம் கேள்வி எழுப்பியது.


ஜாமீன் மனுவை நிராகரித்ததற்கு நீதுபதி ஷைனி கூறிய காரணங்கள் :


கனிமொழி மக்களுக்கான பொது நிதியை தனது சொந்த உபயோகத்திற்கு பயன்படுத்தியுள்ளார் என்றும், இது மாபெரும்குற்றமாக கருதப்படுகிறது. மேலும் இது மிகவும் கடுமையானது. மேலும் பொது நிதியை தனிப்பட்ட நலனுக்காக பயன்படுத்தியுள்ளார்.

எந்தவித நிர்பந்தத்தின் அடிப்படையிலும் இந்த தீர்ப்பு அளிக்கப்படவில்லை.உண்மை மற்றும் வழக்கின் தன்மை ஆகியவற்றை கருத்தில்கொண்டு மட்டுமே இந்த தீர்ப்பு வழங்கப்படுகிறது.

சிபிஐ எதிர்ப்பு தெரிவிக்காதது சட்டத்தின் பார்வையில் எந்தவித விளைவையும் ஏற்படுத்தாது. கனிமொழி ஒரு பெண் என்பதால் அவருக்கு ஜாமின் வழங்க வேண்டும் என்று ஒரு கற்பனை ஜோடிக்கப்பட்டுள்ளது . இது ஏற்க கூடியது அல்ல. 

குற்றம்சாட்டப்பட்டவர்களின் உரிமைகள் முக்கியமானவை. சமுதாயத்தில் ஒரு உயர்ந்த பொறுப்பில் எம்.பி.,யாக இரு்ககிறார். இருந்தாலும் இவருக்கு ஜாமின் வழங்க முகாந்திரம் இல்லை என நீதிபதி தனது தீர்ப்பில் குறிப்பிட்டார்.


திமுக எம்பியான கனிமொழி கடந்த 5 மாதங்களாக சிறையில் இருக்கிறார். அவரது ஜாமீன் மனுக்கள் ஏற்கனவே 3 முறை நிராகரிக்கப்பட்டுள்ள நிலையில்  இன்றும் 4வது முறையாகநிராகரிக்கப்பட்டுள்ளது குறிப்பிடத்தக்கது.

உப்பைத் தின்றவன் தண்ணீர் குடித்தே ஆகவேண்டும்.

24 comments:

Post a Comment

அலோ..ஒரு நிமிடம் ..உங்க "கருத்தை சொல்லிட்டு போங்க"